vom Montag, 01.01.2018
DE BREEV

Dicht over ´t Dack liggt Winterdook,
dör ´t Huus treckt Gör van Schösteenrook.
In d´ Köken liggt en Breev van di
noch versloten, wat seggst du mi ?

Ik sitt un kiek in d´open Für,
de Tied verbrannt mien Ungedür.
Dat Glas is leeg, de Ogen swaar,
hör di proten, as weerst du daar.

As ik weer waak, is d´ Dook vergahn.
Dör d´ Fensterruut schient hell de Maan,
is as en Brügg van di na mi,
all mien Sümen is nu vörbi.

Jan Cornelius
script by artmedic webdesign